دنیا کا دوسرا ملک جس نے چاند کی سطح پر اپنا جھنڈا گاڑ دیا

چین نے چاند پر اپنا جھنڈا گاڑ دیا ہے یہ دنیا کا دوسرا ملک ہے جس نے چاند پر اپنا جھنڈا لگایا ہے جبکہ اس سے پہلے صرف امریکہ نے پچاس سال سے زائد عرصہ قبل چاند پر جھنڈا لگایا تھا اور وہ چاند پر پرچم لگانے والا دنیا کا پہلا ملک تھا۔

china flag on moon surface

 

چین کے نیشنل اسپیس ایڈمنسٹریشن نے تصاویر جاری کی ہیں جس میں دیکھا جا سکتا ہے کہ چینی پرچم کو چاند کی سطح پر ساکن کھڑا ہے یہ اس لیے کہ چاند پر ہوا موجود نہیں اس لیے جھنڈا لہرا نہیں سکتا۔ یہ تصویر چین کے چاند مشن چینج پانچ کے اسپیس سٹیشن سے لی گئی ہے یہ روبوٹک مشن تھا جس میں انسان موجود نہیں تھے جسے چاند کی چٹانوں کی سطح سے نمو نے لانے کے لیے بھیجا گیا تھا۔

 

جمعرات کے دن اس اسپیس سٹیشن نے اپنی واپسی پر یہ تصاویر لی جس میں چاند کی سطح پر جھنڈا دیکھا جا سکتا ہے۔ اس سے پہلے بھی چاند پر جانے والے چین کے دو مشنز میں چین کا جھنڈا موجود تھا مگر وہ چاند کی سطح پر لگایا نہیں جا سکا تھا۔ تاہم اب کی بار چین نے کامیابی کے ساتھ یہ کام انجام دے دیا ہے۔